Մեծ Բրիտանիան մտադիր չէ դառնալ Սիրիայի նախագահ Բաշար Ասադի դաշնակիցը` ընդդեմ «Իսլամական պետություն» խմբավորման սունի գրոհայինների: Այս մասին հաղորդում է Reuters-ը` վկայակոչելով Մեծ Բրիտանիայի ԱԳՆ ղեկավար Ֆիլիպ Հեմոնդին:
«Կարելի է նկատել, որ մի շարք դեպքերում մենք պայքարում ենք ընդդեմ նույն մարդկանց, որոնց դեմ պայքարում է և նա: Այնուամենայնիվ, դա մեզ նրա դաշնակիցը չի դարձնում: Հենց այդ ուղղությամբ շաժվելու մասին գաղափարն անիմաստ, աննպատակահարմար է և գործնական արժեք չի կրում»,- հայտարարել է նա: