47-ամյա դերասանուհի և մոդել Պամելա Անդերսոնը հայտարարել է, որ չի մասնակցի ALS Ice Bucket Challenge առցանց ֆլոշմոբին, քանի որ բարեգործական հիմնադրամի ներկայացուցիչները փորձարկում են կողային ամիտրոֆիկ սկլերոզի դեղորայքը կենդանիների վրա, հաղորդում է US Magazine-ը:
Պամելա Անդերսոնի խոսքերով՝ ինքն աջակցում է բարեգործական շատ ակցիաների, «հատկապես նրանց, որոնց մասնակցության ժամանակ մարդիկ կարող են ինքնահաստատվել», սակայն ALS Ice Bucket Challenge դրանց թվում չէ:
Facebook-յան իր էջում Պամելան կոչ է արել կենդանիների վրա փորձարկումներ չանել, առավել ևս, որ դրանց 90 տոկոսը անարդյունավետ են լինում:
Ինքն իր վրա ջուր լցնելուց հրաժարվել է նաև երգչուհի Փինքի ամուսինը՝ Քերի Հարթը: Տղամարդը հայտարարել է, որ ավելի լավ է նկարահանի, թե ինչպես է գումար փոխանցում ALS հիմնադրամին: