Կարապի լճի տարածքում այսօր կայացել է գարեջրի փառատոն: Բազմաթիվ տաղավարաներում ներկայացված են եղել տարբեր ընկերությունների արտադրանքներ, ոչ միայն տեղական, այլև չեխական հումք ունեցող: Փառատոնով հետաքրքրված էին ոչ միայն մայրաքաղաքի բնակիչները, այլև բազմաթիվ զբոսաշրջիկներ: Նրանց համար հայկական գարեջուրը յուրօրինակ համ ունի, ուստի ըմպելը հաճելի է։
«Քանի որ Երևանի քաղաքապետարանը աշխատում է մայրաքաղաքը զբոսաշրջային քաղաք ներկայցնելու ուղղությամբ, ընտրել ենք փառատոնային զբոսաշրջության ուղին, այսինքն՝ պետք է ավանդույթ դարձել հնչեղ փառատոնները, որոնք խթան կհանդիսանան մայրաքաղաքի զբոսաշրջության զարգացմանը, ինչպես նաև համաքաղաքացիների առօրյան ավելի հագեցած և գեղեցիկ կդարձնեն»,- մեզ հետ զրույցում ասաց Երևանի քաղաքապետարանի զբոսաշրջության բաժնի պետ Մարիա Բարաղամյանը՝ հավելելով, որ միջոցառումը անցկացվում է «Երևանյան ամառ» եռամսյա ծրագրի շրջանակում:
Իսկ ԻԿՕՄՕՍ Հայաստանյան գրասենյակի նախագահ Գագիկ Գյուրջյանն «Առաջին լրատվականի» հետ զրույցում ընդգծեց, որ Երևանը կարող է համարվել գարեջրի կենտրոն՝ հաշվի առնելով այն, որ առաջին գարեջրի նմուշը հայտնաբերվել է Կարմիր բլուր կոչվող տարածքում, ուստի այն համարվում է նաև նյութական ժառանգություն:
Մեզ հետ զրույցում Սպառողների միության նախագահ Արմեն Պողոսյանը նկատեց, որ մեր գարեջուրը կարող է աշխարհում լավ վաճառվել, եթե լավ փիառ արվի, արտադրանքը ներկայացվի: Ըստ նրա՝ Մաքսային միություն մտնելու դեպքում ռուսական շուկայում կարող է մեր արտադրանքը լայն տարածում գտնել, բայց փոխարենը կթանկանան չեխական, գերմանական և եվրոպական այլ երկրների հումքով պատրաստվող գարեջրի տեսակները:
Առավել մանրամասն՝ տեսանյութում։