Ռեգգի կատարող Բոբ Մարլիի մասին մյուզիքլի շնորհանդեսը տեղի կունենա եկող տարի Բալթիմորում (ԱՄՆ), հաղորդում է NYT-ը:
Մյուզիքլի ռեժիսորն է բրիտանացի դերասան և սցենարիստ Քվեյմ Քվեյ-Արման: Մյուզիքլի հիմքում ընկած կլինի երաժշտի կյանքի` 1975-1978 թվականների շրջանը: Հենց այդ ժամանակ նրա վրա մահափորձ է կատարվել, և նա Ջամայկայից Լոնդոն է տեղափոխվել, ձայնագրել իր հայտնի ալբոմներից շատերը: Բացի այդ, հենց այդ շրջանում է Մարլիի մոտ մաշկի քաղցկեղ հայտնաբերվել, և նա հրաժարվել է վիրահատությունից:
Քվեյ-Արմայի խոսքերով` պարտադիր չէ, որ երաժշտին մարմնավորող դերասանը նրան շատ նման լինի:
Մյուզիքլի շնորհանդեսը տեղի կունենա Բալթիմորի «Կենտրոնական բեմ» թատրոնում 2015-ի մայիսին: