Julien’s աճուրդի տունը հայտարարել է, որ այս աշնանը վաճառքի կդրվի Մադոննայի անձնական իրերի ամենամեծ հավաքածուն, գրում է Spletnik.ru-ն:
Աճուրդը տեղի կունենա նոյեմբերի 7-ին: Արդեն հայտնի է, որ լոտում ներառված են այն «լատեքսից դիմակը, ձեռնոցներն ու ներքնաշորը», որոնք նրա վրա եղել են Քեթի Փերիի հետ ֆոտոշարքում:
Աճուրդում կհայտնվի նաև Մադոննայի օրագիրը, որը նա վարել է 80-ականների վերջում: Մասնավորապես, օրագրի մեջ ներառված են Դևիդ Լետերմանի շոուն այցելելու և Շոն Փենի հետ ժամանդրությունների մասին նշումները:
Դրանից բացի, երգչուհու երկրպագուները կարող են ձեռք բերել ֆիլմերում կրած նրա հագուստներից, Penthouse ամսագրի համար արված լուսանկարների նեգատիվները, ինչպես նաև Material Girl տեսահոլովակի զգեստն ու զարդերը: Այս ամենի համար ծրագրվում է 20-40 հազար դոլար ստանալ:
Ընդ որում, երգչուհու մամլո քարտուղար Լիզ Ռոզենբերգը հայտարարել է, որ Մադոննան տեղյակ չէ նման աճուրդից և դրանից շահույթ չի ստանա:
Ռոզենբերգը ավելացրել է, թե համոզված չէ որ Julien’s-ի ներկայացրած իրերը իսկական են։