Բելգիան հայտարարել է այս ձմռան համար 850 մեգավատտ ծավալով «կայունացնող էներգառեզերվի» ստեղծման մասին թագավորության ողջ էլեկտրացանցի կասկադային անջատումները կանխարգելելու համար: Այս մասին գրում է ITAR-TASS-ը` վկայակոչելով շրջակա միջավայրի, էներգետիկայի և շարժունակության հարցերով պետքարտուղար Մելհիոր Վաթլեն:
«Կառավարությունը առաջարկություն է ստացել արդյունաբերական ոլորտից 850 մեգավատտ հզորությամբ ռեզերվ ապահովելու համար»,- ասել է նա:
Էներգառեզերվի մեջ են ներառվել ներկա պահին սառեցված երկու` Սերնեում (485 մեգավատտ) և Վիլվորդում (265 մեգավատտ) գտնվող ջերմաէլեկտրակայանների հզորությունները: Եվս 100 մեգավատտ կկազմեն մի շարք բելգիական խոշոր ձեռնարկությունների պարտականությունները, որոնք կկրճատեն էլեկտրաէներգիայի ծախսը:
