«Մուսոլինիի առանձնատունը» Ռոդոս կղզում կվերածվի հյուրանոցի: Հունաստանը մտադիր է 50 տարով վարձակալության տալ այն, հայտնում է ITAR-TASS-ը:
Իշխանությունները ենթադրում են, որ «Մուսոլինիի առանձնատան» նկատմամբ առաջին հերթին հետաքրքրություն կցուցաբերեն իտալացիները, որոնց կարող են հետաքրքրել շինության ճարտարապետությունն ու դրա հետ կապված պատմությունը:
Ինչպես հայտնում են ԶԼՄ-ները, իտալացիներն իսկապես մտադիր են առանձնատունը բուտիկ-հյուրանոցի վերածել, որպեսզի ներգրավեն հանգստանալու և տեսարժան վայրերին ծանոթանալու համար կղզի այցելող իրենց հայրենակիցներին:
Հիշեցնենք, որ Իտալիան Ռոդոսը նվաճել էր 1912-ին իտալա-թուրքական պատերազմում թուրքերի պարտությունից հետո ու այն վերահսկում էր մինչև 1943-ը:
«Մուսոլինիի առանձնատունը» երկհարկանի շինություն է՝ 757 քմ մակերեսով, ունի ճարտարապետական հետաքրքիր լուծումներ:
