Կատալոնական «Բարսելոնա»-ի նորեկ Լուիս Սուարեսը հուսով էր, որ մարզական արբիտրաժային դատարանը կրճատելու է որակազրկման ժամկետը: Դատարանն, այնուամենայնիվ, 4 ամսվա որակազրկումը թողեց ուժի մեջ:
«Պետք է ընդունել մարզական արբիտրաժային դատարանի որոշումը, բայց ես, այնուամենայնիվ, ակնկալում էի, որ որակազրկման ժամկետը կկրճատվի:
Դժվար էր մարզվել տանը միայնակ: Դադարում ես քեզ ֆուտբոլիստ զգալ: Հիմա հանգիստ մարզվում եմ թիմակիցներիս հետ: Ինձ հիանալի ընդունեցին:
Այս ժամանակահատվածում երբեք անհարմարություն չեմ զգացել և ինձ զգում եմ ինչպես տանը: Կկատարեմ Լուիս Էնրիկեի բոլոր պահանջները: Նա ծանոթ է հնարավորություններիս և գիտի՝ ինչպես գործել»,- հայտարարել է Սուարեսը: