ԱՄՆ պետդեպարտամենտը և պաշտպանության նախարարությունը դիմել են Twitter միկրոբլոգների ցանցի և YouTube վիդեոհոսթինգի ղեկավարությանը` կոչ անելով արգելափակել «Իսլամական պետություն» խմբավորման էջերը՝ մասնավորապես, ամերիկացի լրագրող Ջեյմս Ֆոուլիի մահապատժի տեագրությունից հետո: Այս մասին գրում է ITAR-TASS-ը` վկայակոչելով ԱՄՆ արտաքին քաղաքականության գերատեսչության մամլո ծառայության ղեկավարի տեղակալ Մարի Հարֆին:
«Թող Twitter-ն այդ մասին ավելի մանրամասն պատմի, բայց պետդեպարտամենտը և պաշտպանության նախարարությունը դիմել են սոցիալական ցանցերին` այնպիսին, ինչպիսին YouTube-ը և Twitter-ն են, որպեսզի նրանց ուշադրությունը հրավիրի այդ էջերում` իրենց իսկ կանոնների խախտման վրա»,- ասել է Հարֆը:
Հարֆի խոսքով` ահաբեկիչները սոցիալական կայքերն օգտագործում են նաև միջոցներ հավաքելու համար:
