«Հրապարակ» թերթը գրում է. «ՀՀ նախկին վարչապետ Տիգրան Սարգսյանը Երևանը բեռնաթափելու ծրագիր ուներ։ Նա լրջորեն մտադրվել էր Գյումրի տեղափոխել մշակույթի և սպորտի նախարարությունները։ Անգամ Գյումրի էր այցելել և շենք փնտրել։ Ծրագիրը, սակայն, նրա հետ միասին գնաց անցյալի գիրկը՝ գրվեց սառույցին։ Հովիկ Աբրահամյանն առայժմ զբաղված է իր օլիգարխ շրջապատին հարկային դաշտ բերելու գործով և անտեսել է այս վեհ գաղափարը։
Երեկ մշակույթի փոխնախարար Արև Սամուելյանից մեր թղթակիցը հետաքրքրվել է ծրագրի ճակատագրով։ «Դա աշխատանքային կարգով էր, խոսակցությունը դեռևս չի մարել, շարունակվում է», – սփոփել է փոխնախարարը։ Հայտնի է, որ մշակույթի նախարարն ամբողջ հոգով մերժում էր Գյումրի գնալու ծրագիրը»։
Մանրամասները՝ թերթի այսօրվա համարում