Microsoft-ը սեպտեմբերի 30-ին կներկայացնի Windows օպերացիոն համակարգի նոր տարբերակը՝ հաղորդում է The Verge-ը՝ հղում անելով ընկերության աղբյուրին:
Ըստ կայքի աղբյուրի՝ սեպտեմբերի 30-ին հանդիպում է նախատեսված մամուլի հետ, որտեղ կներկայացվեն Windows-ի նոր տարբերակի մանրամասները, որը հրապարակվելու է կոդային Threshold անվանումով: The Verge-ը նշում է, որ ամսաթիվը կարող է փոխվել, բայց Threshold-ը ներկայումս մշակման մեջ է և մշակողներին կներկայացվի սեպտեմբերի 30-ին կամ ավելի ուշ: Ամենայն հավանականությամբ, նոր տարբերակը կստանա Windows 9 անվանումը:
Կայքը նշում է, որ ստացված տեղեկությունը համընկնում է տեղեկատվության նախորդ արտահոսքերի հետ, համաձայն որոնց՝ օպերացիոն համակարգի նոր տարբերակը կներկայացվի 2014թ. սեպտեմբեր-հոկտեմբեր ամիսներին: