Ֆինլանդիայում շատ ուրախ են Ռուսաստանի սննդամթերքի վրա դրված պատժամիջոցների համար: Բանն այն է, որ արդյունավետ արգելքի շնորհիվ, որի ներքո հայտնվել են նաև Valio սննդամթերքները, մասնավորապես` Oltermanni պանիրները, բավականին էժանացել են ֆիննական շուկաներում:
«Ֆինները շատ գոհ են Պուտինի պատժամիջոցներից և պետերբուրգցիներին գաստրոնոմիական շրջագայությունների են հրավիրում»,- գրում են Twitter սոցկայքի օգտատերերը:
Այդ սոցկայքում մի լուսանկար է հայտնվել, որում զեղչով վաճառվում են Ռուսաստան ի համար նախատեսված այդ պանիրները: Լուսանկարում ժպտացող ֆինն է` Oltermanni-ի 4 տուփերով, և ցուցատախտակ, որն առաջարկում է այդ մթերքները գնել մեծ զեղչով: Դրա վրա մակագրված է. «Spasibo Putin: Nyt juusto on halpaa» («Շնորհակալություն Պուտին, պանիրն այժմ էժան է»):
250 գրամ Oltermanni պանրի համար վաճառողները 99 եվրոցենտ են խնդրում:
