Սկանդալային երգչուհի Լեդի Գագան պատրաստվում է Թեյլոր Քինիի կինը դառնալ տիեզերքում։
Լեդի Գագան իր էքստրավագանտ արտաքինով երբեմն հիշեցնում է այլմոլորակայինի։ Այդ պատճառով երգչուհու հայտարարությունն այն մասին, թե ինքը մտադիր է իր ձեռքն ու սիրտը Թեյլոր Քինիին տալ տիեզերքում, լիովին կարելի էր կանխատեսել։
Ինչպես հաղորդում է The Daily Star պարբերականը, պսակադրության արարողությունը կկայանա 2015-ին Virgin Galactic տիեզերանավում։ Ու թեկուզ այնտեղ քահանա չի լինի, Գագան ու Թեյլորը միմյանց սիրո և հավատարմության երդում կտան։