«Հզբոլլահ» լիբանանյան շիա շարժումը հինգշաբթի հանդես է եկել «Իսլամական պատություն» (ԻՊ) արմատական խմբավորման գրոհայինների կողմից ամերիկացի լրագրող Ջեյմս Ֆոուլիի սպանության դատապարտմամբ, հաղորդում է interfax.ru-ն։
«Մենք դատապարտում ենք քրեական ու ահաբեկչական խմբավորման կատարած այդ դաժան սպանությունը»,- ասվում է շարժման կոմյունիկեում։
«Հզբոլլահի» ներկայացուցիչները նաև հայտարարել են, թե ԻՊ գրոհայինների կատարած «սարսափելի գործողությունները» բոլորին են վերաբերում՝ առանց բացառության։
Մինչ այդ, ԱՄՆ գլխավոր դատախազ Էրիկ Հոլդերը հայտարարել էր, որ ամերիկյան իշխանությունները սկսել են լրագրողի սպանության գործի քրեական հետաքննությունը։
ԱՄՆ-ը «Հզբոլլահին» համարում է ահաբեկչական կազմակերպություն։ Այն օգտվում է Իրանի և Սիրիայի ֆինանսական ու ռազմական աջակցությունից։