Շվեդական The Knife դուետը Shaking the Habitual ալբոմի տարածման եվրոպական շրջագայության ավարտից հետո կդադարի գոյություն ունենալ, հաղորդում է Pitchfork-ը:
Հաղորդագրությունն այն մասին, որ խմբի ներկայիս շրջագայությունը վերջինը կլինի, հայտնվել է խմբի կայքում, սակայն դրանից պարզ չի դարձել, արդյո՞ք խոսքը գնում է դուետի բաժանման, թե միայն շրջագայության վերջին երկու համերգները չեղարկելու մասին:
Հետագայում Քարին Դրեյերը հայտարարել է, որ խումբը շրջագայության ավարտից հետո այլևս գոյություն չի ունենա:
«Մենք որևէ մեկի առջև շարունակելու պարտավորություն չունենք, դա բացառապես պետք է հաճույքով արվի»,- ասել է նա:
Խմբի վերջին համերգները կկայանան Շվեդիայի քաղաքներում, Բեռլինում, Մանչեսթերում, Լոնդոնում և Ռեյկյավիկում: Իսլանդիայի մայրաքաղաքում նոյեմբերի 8-ին կայանալիք համերգով շրջագայությունը կեզրափակվի:
