Ուկրաինայի նախագահ Պյոտր Պորոշենկոն հայտնել է, թե օգոստոսի 26-ին Մինսկում հանդիպմանը մտադիր է պայմանավորվել խաղաղության մասին։ «Ուկրաինան խաղաղություն է ուզում»,- հայտարարել է պարոն Պորոշենկոն Նիկոլաև կատարած աշխատանքային այցի ժամանակ։ «Խաղաղության շուրջ բանակցություններում ամուր դիրքեր ունենալու համար հարկավոր է ուժեղ լինել՝ ունենալ ժողովրդի միասնությունը, ուժեղ երկիր, ուժեղ բանակ»,- ընդգծել է Պյոտր Պորոշենկոն։ «Մենք ի զորու ենք պաշտպանելու ինքնիշխանությունը, անկախությունը, տարածքային ամբողջականությունը։ Այսօր մենք պայքարում ենք Ուկրաինայի անկախության համար։ Մենք ձեզ հետ անպայման կհաղթենք»,- Պյոտր Պորոշենկոյի խոսքերն է մեջբերում մամլո ծառայությունը։
Ավելի վաղ, հայտնի էր դարձել, որ Ռուսաստանի և Ուկրաինայի նախագահներ Վլադիմիր Պուտինը և Պյոտր Պորոշենկոն օգոստոսի 26-ին Մինսկում հանդիպելու են Մաքսային միություն-Ուկրաինա գագաթնաժողովի շրջանակներում։
