Ամերիկա-ճապոնական Westinghouse ընկերությունը՝ ԱԷԿ-ների համար վառելիքի աշխարհում խոշորագույն մատակարարը, Եվրամիությանը դրդում է մրցակցության նոր կանոններ մտցնելուն, որոնք վերջ կտային Արևելյան Եվրոպայի կախմանը Ռուսաստանից միջուկային հումքի մատակարարումներից, գրում է բրիտանական The Financial Times թերթը։
Ընկերության մտահոգության պատճառը գլխավորապես այն փաստն է, որ « Արևելյան Եվրոպայում բազմաթիվ ռեակտորներ ամբողջապես կախված են հատուկ պատվերով պատրաստված ռուսական ջերմային միջուկների կոմպլեկտներից»։
Westinghouse-ը առանձնապես խոցելի երկրների շարքին է դասում Հունգարիան, Սլովակիան, Բուլղարիան ու Չեխիան, ինչպես նաև ավելի պակաս չափով՝ Ֆինլանդիան։ Նրանց տարածքներում տեղակայված ջրային էներգետիկ ռեակտորներն աշխատում են միայն ռուսական ТВЭЛ ընկերության էլեմենտներով, ասվում է հոդվածում։
