Ուզբեկստանի նախագահի դուստրը՝ Գուլնարա Քարիմովան գրեթե կես տարի տնային կալանքի տակ է անցկացրել, հետևում է BBC-ի տրամադրության տակ հայտնված ձայնագրությունից:
Ձայնագրության մեջ կարելի է լսել, թե ինչպես է Քարիմովան ասում, որ նրա և դստեր հետ «շներից վատ են վարվել» և որ իրենց շտապ բժշկական օգնություն է անհրաժեշտ եղել:
Մինչև վերջերս Գուլնարա Քարիմովան Կենտրոնական Ասիայում ամենաազդեցիկ մադկանց ցուցակում է եղել: Լուրեր էին պտտվում, որ նա կարող էր նախագահական պաշտոնում Իսլամ Քարիմովի ժառանգորդը դառնալ:
Սակայն, այս տարվա սկզբին հայտնի է դարձել, որ հոր հետ տարաձայնությունների պատճառով նա կորցրել է իր ազդեցությունը: