Գերմանիան իր զինվորներին Ուկրաինայում ճգնաժամի լուծման նպատակով այդ երկիր չի ուղարկի: Այս մասին հինգշաբթի օրը հայտարարել է գերմանիայի կանցլեր Անգելա Մերկելը՝ ելույթ ունենալով Գրիմա քաղաքում կայացած արարողությանը, որտեղ օգոստոսի 31-ին կկայանան տեղի խորհրդարանական ընտրությունները:
Նա ընդգծել է, որ գերմանական կառավարությունը մտադիր է «դիվանագիտությանը հնարավորություն ընձեռնել»:
Մերկելը, ով իշխող Քրիստոնյա-դեմոկրատական կուսակցության նախագահն է, ասել նաև, որ Գերմանիան չպետք է իր զինծառայողներին ռազմական գործողություններին մասնակցելու նպատակով Իրաք ուղարկի: «Մենք չենք ուզում և այնտեղ մեր զինծառայողներին չենք ուղարկի»,- ընդգծել է նա: Միևնույն ժամանակ, նրա խոսքերով՝ Բեռլինը քննարկում է Իրաք ռազմական հրահանգիչների ուղարկելու հարցը:
