«Իսլամական պետություն» խմբավորման ջիհադական գրոհայինները, որոնք ցուցադրաբար սպանել են ամերիկացի լրագրող Ջեյմս Ֆոուլիին, նրա համար 132 մլն դոլարի չափով փրկագին են պահանջել, տեղեկացնում է նրա նախկին գործատեր Globalpost ինտերնետ պարբերականը։
Ավելի վաղ, հայտնի էր դարձել, որ լրագրողի ընտանիքը նրա մահից մի շաբաթ առաջ էլեկտրոնային հաղորդագրություն էր ստացել առևանգողներից։ Նամակում նշվում էր, որ Ֆոուլին սպանվելու է ի հատուցումն «Իսլամական պետության» գրոհայինների բազաներին ամերիկյան ավիացիայի հարվածների։
Նախօրեին ԱՄՆ նախագահ Բարաք Օբաման Ջեյմս Ֆոուլիի սպանությունն անվանել էր դաժանություն, որը ցնցել է ամբողջ աշխարհի մարդկանց։
