Comedy Club-ի հաղորդավար և գեղարվեստական ղեկավար Գարիկ Մարտիրոսյանը «Անտեննա»-ին հրավիրել է Յուրմալայում գտնվող իր տուն, հայտնում է wday.ru-ն:
Գարիկն ասել է. «Ամեն տարի գրում են, որ ես այստեղ տներ եմ կառուցում, անշարժ գույք եմ գնում: Բայց դա անհեթեթություն է: Սվետլակովը կարող է իրեն նման բան թույլ տալ. նա, ի տարբերություն ինձ, Մոսկվային կպած չէ մշտական նկարահանումներով: Սերյոժան այստեղ սցենարներ է գրում, ես չեմ կարող երկար ժամանակով մեկնել մայրաքաղաքից»:
Գարիկը պատմել է, որ ամռանն իրենք երեխաների հետ հեծանիվ են քշում, հետո նրանք մոր՝ Ժաննայի հետ հանգստանում են լողավազանի մոտ, երեկոյան քայլում են փողոցով:
Հարցին՝ Դանիելի դայակը նրա հետ արդյոք հայերե՞ն է խոսում՝ Գարիկը պատասխանել է. «Մեր ընտանիքում դրվածքն այսպիսին է՝ ռուսերենը պարտադիր է, անգլերենը՝ շատ ցանկալի, իսկ հայերենը սուրբ է. պետք է իմանալ: Երեխաների համար երկու լեզուն արդեն մայրենի են: Ժասմինը գրում, խոսում և կարդում է հայերեն: Դանիելն առայժմ ոչ մեկով չի գրում, բայց երկուսով ազատորեն խոսում է:
Նրանց մասին, ովքեր կարծում են, որ Comedy Club-ն արդեն այն չէ, Գարիկն ասել է. «Comedy Club-ն առաջին հաղորդումից «այն չէ»: Հանդիսատեսը, չգիտես ինչու, ուզում է մեզ այնպիսին տեսնել, ինչպիսին ինքն է ուզում: Իսկ դա մեր արվեստն է, և մենք ազատ ենք անելու ամենը, ինչ ուզում ենք»:
Գարիկը նաև ասել է, որ կնոջը կարող է ցույց տալ նոր համարը կամ պատմել հորինած կատակը, միասին ծիծաղեն, բայց խորհուրդներ չի հարցնում:
Գարիկի կինը՝ Ժաննան, հարցին՝ ամուսինն իրեն տանն օգնո՞ւմ է, թե ոչ՝ պատասխանել է, որ իրեն Գարիկի օգնությունը պետք չէ. դա տղամարդու գործ չէ:
