Կառավարության շենքի մոտ նիստից առաջ հերթական բողոքի ակցիան էին անցկացնում հաշմանդամ օդաչուները: Նրանցից Վանիկ Մաիլյանը «Առաջին լրատվական»-ի հետ զրույցում ասաց, որ կառավարությունից և ՀՀ նախագահից պահանջում են փոխհատուցում՝ տարբեր հիվանդություններ են ձեռք բերել և դեղամիջոցներ գնելու համար գումար չունեն: «Պետական աշխատանք կատարելով թռել և տարիների ընթացքում հաշմանդամ ենք դարձել, հիշողություն կորցրել: Պետությունը պետք է մեզ տեր կանգնի. 2006 թվականին արգելեցին փոխհատուցումը, մենք պահանջում ենք որ վերականգնեն: 120-ից ավել մարդ ենք եղել, հիմա 50 ենք մնացել»,- պատմեց նա:
Մեր զրուցակիցն ընդգծեց նաև, որ երեկ հանդիպել են կառավարության աշխատակազմի ղեկավար-նախարար Դավիթ Հարությունյանի հետ, որը խոստացել է օգնել իրենց. «Ասաց, որ մյուս շաբաթ պատասխանը կտա: Դավիթ Հարությունյանն ասել է, որ Սևանում կա հողատարածք, որ ուզում են վաճառեն ու այդ գումարը տան մեզ»:
Օդաչուները լիահույս են, որ կառավարությունը կկատարի իր խոստումը:
Առավել մանրամասն՝ մեր տեսանյութում:
