ԱՄՆ-ը փորձել է ազատել Սիրիայում գտնվող ամերիկացի գերիներին, բայց ձախողվել է՝ հաղորդել է Պենտագոնի պաշտոնական ներկայացուցիչ Ջոն Քիրբին:
«ԱՄՆ-ը փորձ է ձեռնարկել մի քանի ամերիկացի գերիների ազատելու համար, որոնց «Իսլամական պետությունը» պահում է Սիրիայում»,- նշել է Քիրբին:
Նրա խոսքով՝ այն անցկացվել է թե՛ օդում, թե՛ ցամաքում և ուղղված է եղել գրոհայինների կոնկրետ խմբի դեմ, որոնք մտնում են ԻՊ-ի մեջ՝ հաղորդում է ITAR-Tass-ը:
«Ցավոք, օպերացիան հաջող չի եղել, քանի որ գերիները այն տեղում չեն եղել, որտեղ այն անցկացվել է»,- փաստել է Պենտագոնի ներկայացուցիչը:
Նա հավաստիացրել է, որ կառավարությունն օգտագործում է իր բոլոր ռազմական, հետախուզական և դիվանագիտական հնարավորությունները Ամերիկայի քաղաքացիներին տուն վերադարձնելու համար:
