Արևելքում տարածված յոգայի ճյուղի հիմնադիր Գուրուջի Շրի Բելլուր Քրիշնամաչար Սունդարաջա Այենգարը չորեքշաբթի օրը 96 տարեկան հասակում մահացել է Փունի մասնավոր հիվանդանոցում, հաղորդում է Times of India-ն:
Յոգայի գուրուն սրտային անբավարարության և շնչառական խնդիրների պատճառով հիանդանոց էր տեղափոխվել:
Այենգարը երկար ժամանակ հրաժարվել է հիվանդանոց տեղափոխվել, նրան տանը բուժել է անձնական բժիշկը, սակայն, երբ վարպետի վիճակը վատթարացել է, նա համաձայնել է հիվանդանոց պառկել: Բուժման ժամանակ նա հրաժարվել է թոքերի արհեստական օդափոխությունից, որից հետո նրա թուլացած սիրտը կանգ է առել:
Այենգարն ավելի քան 60 տարի յոգա էր դասավանդում: Նրա գործունեության շնորհիվ յոգան տարածվել է Արևմուտքում: Այենգարի աշակերտների թվում են շատ հայտնի քաղաքական գործիչներ, զինվորականներ, երաժիշտներ և գրողներ: Գուրուի մեթոդի առանձնահատկությունը կայանում է պրակտիկայի աստիճանական զարգացման մեջ, ավելի պարզ վարժություններից ավելի բարդերին անցումը: