IndiGo ավիաընկերության քաղաքացիական ինքնաթիռը, որի վրա 147 ուղևորներ և անձնակազմի 6 անդամներ են եղել, Մումբաի-Դելի չվերթն իրականացնելիս Դելիում վայրէջքի ժամանակ բռնկվել է, չորեքշաբթի օրը հաղորդել է NDTМ հեռուստաալիքը:
Հեռուստաալիքի տվյալներով՝ օդանավի օդաչուն բռնկման մասին տեղեկատվություն է ստացել դիսպետչերից, որից հետո կարգադրել է անձնակազմի անդամներին վայրէջքից անմիջապես հետո վթարային աստիճանների միջոցով անհապաղ տարհանել ուղևորներին: Տարհանումը 75 վայրկյան է տևել:
Ավիաընկերության հայտարարության մեջ ասվում է, որ մի քանի ուղևորներ տարբեր աստիճանի վնասվածքներ են ստացել: Օդանավակայանի աշխատակիցները տուժածներին օգնություն են ցուցաբերել օդանավակայանի շենքում:
Բռնկման պատճառները պարզվում են:
