«Կարեն Դեմիրճյանի անվան մարզահամերգային համալիր» ՓԲԸ-ից գումարի բռնագանձման հերթական պահանջը` 10 502 000 դրամի չափով, ներկայացրել է «Ֆրանգուլիս» ՍՊԸ-ն:
Ընկերությունը դատարան է դիմել դեռևս 2012 թվականին: Հայցն ընդունվել է վարույթ, բայց կես տարի անց գործի վարույթը կասեցվել է: Մեկ տարի անց դատարանը գործի կասեցված վարույթը վերսկսելու և գործը դատական քննության նշանակելու մասին որոշում է կայացրել։
Եվ ահա, տարիներ շարունակ ձգձգված գործով, Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը վերջապես որոշում է կայացրել` մերժելով «Ֆրանգուլիս»-ի հայցն ընդդեմ ՄՀՀ-ի: Հայտնում է «Փաստինֆո»-ն:
Բանն այն է, որ դիմելով դատարան՝ ընկերությունը ներկայացրել էր փաստեր այն մասին, որ մեկ տարվա ընթացքում ՄՀՀ-ի հետ 7 կապալի պայմանագիր է կնքել, կատարել է իր պարտավորություները, բայց ՄՀՀ-ն պայմանագրով նախատեսված 25 602 000 դրամի փոխարեն իրեն վճարել է 15 100 000 դրամ, և ինքն այժմ պահանջում է մնացած 10 502 000 դրամի պարտքը:
Սակայն «Կարեն Դեմիրճյանի անվան մարզահամերգային համալիր»-ի ներկայացուցիչը դատարանում ներկայացրել է փաստեր այն մասին, որ «Ֆրանգուլիս»-ն իր պարտականությունները պատշաճ կարգով չի կատարել:
Մանրամասները՝ «Փաստինֆո»-ում