Իրաքի ԱԳՆ ղեկավար Հոշիյար Զեբարին համաշխարհային ղեկավարներին կոչ է արել երկրին աջակցել «Իսլամական պետության» զինյալների դեմ պայքարում: Այս մասին հայտնում է Reuters-ը:
Այսպիսի հայտարարություն Զեբարին արել է, երբ զինյալներն ամերիկացի լրագրող Ջեյմս Ֆոուլիի մահապատժի տեսանյութն են հրապարակել: Զեբարին նշել է, որ «Իսլամական պետությունը» սպառնալիք է ամբողջ աշխարհի, ոչ միայն Իրաքի էթնիկ փոքրամասնությունների համար:
Ավելի վաղ «Իսլամական պետությունը» համացանցում France Presse-ի ամերիկացի լրագրող Ջեյմս Ֆոուլիի մահապատժի տեսանյութ է տարածել, որը Սիրիայում անհետացել էր 2012-ի նոյեմբերի 22-ին: «Իսլամական պետությունը» նաև ԱՄՆ-ին խոստացել էր «խեղդել սեփական արյան մեջ»: