Google ընկերությունը նշում է իր բաժնետոմսերը առաջին անգամ բորսայում ներկայացնելու 10-ամյակը: Այս ընթացքում ընկերության բաժնետոմսերի արժեքն ավելացել է 1294%-ով: Այդ մասին վկայում են Nasdaq բորսայի տվյալները:
Google-ը IPO է անցկացրել Nasdaq-ում 2004. օգոստոսի 19-ին՝ մեկ բաժնետոմսի համար սահմանելով 85 դոլար, և գրավել է մոտ 1,2 մլրդ դոլար: Այդ կերպ, եթե ներդրողը տրամադրել է 10 հզ դոլար և 10 տարվա ընթացքում չի բաժանվել բաժնետոմսերից, ապա դրանց արժեքն այսօր 139 հզ. 458 դոլար է:
Ամերիկյան ընկերությունների թվում միայն տասն են ավելի ակտիվ աճ գրանցել 10 տարվա ընթացքում՝ հաղորդում է The Wall Street Journal-ը: Ընկերությունների ցանկը գլխավորում է Keurig Green Mountain-ը, որի բաժնետոմսերի արժեքն ավելացել է 7729%-ով: Առաջատարների տասնյակում են նաև Apple-ը և Netflix-ը:
