Նարնջի հյութն ամերիկացիների շրջանում կորցնում է իր գրավչությունը: Առավոտյան այդքան պահանջված հյութի վաճառքի ծավալները հասել են նվազագույնի, հաղորդում է MarketWatch-ը:
Nielsen-ի տվյալների համաձայն՝ չորս շաբաթների ընթացքում ԱՄն-ում 34,96 միլիոն գալոն հյութ է վաճառվել, որն 9,2%-ով պակաս է անցած տարվա նույն ժամանակահատվածի ցուցանիշից: Այս ցուցանիշը 2002-ի հունվարից սկսած ամենացածրն է:
Այս տարվա վաճառքի առավել բարձր ցուցանիշը գրանցվել է հունվարի 18-ին, երբ 48,63 միլիոն գալոն հյութ է վաճառվել: Ցուրտ ձմռանը ամերիկացիները վիտամին C-ով հարուստ հյութ են գնել: Սակայն, այդ ժամանակվանից սկսած վաճառքն անընդհատ նվազել է, ասվում է Nielsen ուսումնասիրական ֆիրմայի զեկույցում:
Փորձագետները կարծում են, որ էներգետիկ ըմպելիքները, ինչպիսին է տարայով սուրճը աստիճանաբար շուկայից դուրս է մղում նարնջի հյութին:
Նարնջի հյութի վաճառքի նվազեցմանը նպաստում է նաև դրա բարձր գինը, իսկ օգոստոսի 2-ին այն նոր ռեկորդ է սահմանել՝ մեկ գալոնի համար 6,44 դոլար, որը 4,1%-ով ավել է անցած տարվա նույն ժամանակահատվածի ցուցանիշից:
Հյութի գնաճը պայմանավորված է Ֆլորիդայում վերջին 29 տարիներին նարնջի ամենացածր բերքատվության հետ, ընդ որում վերլուծաբանների կանխատեսումները հոռետեսական են: