Աշխարհի երկրորդ ռակետ, իսպանացի թենիսիստ Ռաֆայել Նադալը բաց է թողնելու ԱՄՆ-ի բաց առաջնությունը: Նադալը վնասվածքի պատճառով բաց էր թողել նաև Տորոնտոյի ու Ցինցինատիի մասթերս շարքի մրցաշարերը:
«Շատ եմ ցավում, բայց ստիպված եմ տեղեկացնել, որ չեմ մասնակցելու US Open-ին: Այն մրցաշար է, որը ես շատ եմ սիրում երկրպագուների, ստեղծվող մթնոլորտի, երեկոյան խաղերի համար:
Այժմ ես պետք է շարունակեմ մարզվել, որպեսզի վերադառնամ ու պայքարեմ ամենաբարձր մակարդակով»,- Facebook-ի իր էջում գրել է Նադալը:
Հիշեցնենք, որ Նադալը Նյու-Յորքի մրցաշարում հաղթել է 2010 և 2013թթ, 2011թ. դուրս է եկել եզրափակիչ: 2012թ. նա ծնկի վնասվածքի պատճառով բաց է թողել մրցաշարը:
