Տանկային բիաթլոն-2014» մրցույթի եզրափակիչ փուլում երկրորդ տեղը զբաղեցրած հայ տանկիստներին այսօր «Զվարթնոց» օդանավակայանում դիմավորելու էր եկել Պաշտպանության նախարար Սեյրան Օհանյանը:
Նա լրագրողների հետ զրույցում ասաց, որ մեր բանակը կազմավորվել է դժվար պայմաններում, մեզ պարտադրված պատերազմի ժամանակ, բայց մենք կարողացել ենք օգտագործել մեզ դարերով փախանցված ռազմական փորձը և մեր ռազմական ներուժի հիման վրա ստեղծել ենք բանակ, որն այսօր մարտունակ է: «Մեր տանկիստները շարունակում են այն մարտական փորձը, որ իրենք ձեռք են բերել Արցախյան գոյապայքարի ժամանակ»,- նշեց Սեյրան Օհանյանը:
Նախարարն անդրադարձավ նաև սահմանային լարված իրավիճակին և ասաց, որ հիմա հանգիստ է:
«Առաջին լրատվական»-ի հարցին՝ կարո՞ղ ենք հուսալ, որ մոտակա ժամանակահատվածում ևս հանգիստ իրավիճակ կլինի, նախարարը պատասխանեց․ «Մենք ամեն ինչ կանենք, որպեսզի սահմաններում հանգիստ լինի, ամեն ինչ կանենք, որ զսպենք հակառակորդի ոտնձգությունները: Ամեն ինչ կանենք, որ նոր մեթոդներ ու ձևեր գտնենք, որ առաջին գծում, Հայաստանի սահմանամեձ բնակավայրերում խաղաղ լինի»:
Ամբողջությամբ՝ մեր տեսանյութում: