«Մենք կարողանում ենք հակառակորդին այնպիսի հակահարված տալ, որ նույնիսկ չմտածի մեր սահմանները խախտելու մասին: Մեր տարածաշրջանում՝ մարտական դիրքերի վրա եղել են դիվերսիոն հարձակումներ, փառք Աստծո, կարողացել ենք պատվով դիմագրավել»,- «Առաջին լրատվական»-ի հետ զրույցում ասացին Հյուսիսային գոտում գտնվող զորամասերից մեկի սերժանտներ Կարեն Բարոյանը և Եղիշ Ադյանը՝ հավելելով, որ մեր հասարակությունը պետք է հանգիստ լինի:
Ըստ նրանց՝ այս օրերին տեղեկատվական պատերազմի հարթակում Ադրբեջանը փորձում է իրականությունը խեղաթյուրել, բայց չի ստացվում: Զինծառայողների խոսքերով՝ մերոնք պետք է վստահ լինեն իրենց որդիների, զինված ուժերի վրա, քանի որ, ի տարբերություն Ադրբեջանի, մեր զինվորները և՛ բարձր մարտական պատրաստվածություն ունեն, և՛ քաջություն, որոնցում հակառակորդը ևս մեկ անգամ համոզվեց: