«Վերջին շրջանում նախագահ Սերժ Սարգսյանի բոլոր հանդիպումներից անգամ չէի ասի ամենալավը, այլ միակ լավ հանդիպումն էր՝ բավականին դրական էր. դիվիդենտներ քաղեցինք և հետագայում արդյունքները կտեսնենք»,- «Առաջին լրատվական»-ի հետ զրույցում ասաց քաղտեխնոլոգ Կարեն Քոչարյանը՝ կարևորելով նաև թեմայի շրջանակներում «Արմնյուզ» հեռուստաընկերությանը տված նախագահի հարցազրույց։ «Կարևոր էր բալիստիկ հրթիռների հատվածը, շատ կարևոր էր նաև այն հատվածը, որտեղ ասվում էր, որ հայերի համար վիրավորական կլիներ, եթե հանկարծ ասվեր էրդողանը հայ է»,- մանրամասնեց Կարեն Քոչարյանը՝ հավելելով, որ 20 օր հանրապետությունում չի եղել, վերադառանալով հայտնաբերել է , որ ուրիշ Հայաստանում է: Ըստ նրա՝ մեր պետությունը, ազգը շատ բան քաղեց. «Մենք շատ պատվով ևս մեկ անգամ ապացուցեցինք, որ կանգնած ենք մեր հողի համար, ինչքան էլ պրոբլեմատիկ լինի, նման իրավիճակում մենք կարողանում ենք մոբիլիզացվել, հաճելիորեն զարմացած եմ՝ լրատական դաշտ, քաղաքական դաշտը, կին, տղամարդ, զինվորականներն ու շարքային քաղաքացիները, սահմանամերձ գյուղերի բնակիչներն ու երևանցիները, երիտասարդներն ու մեծահասակները և որ ամենակարևորն է՝ խոպան գնացածներն ու արտագաղթածները միավորվել են հայրենիքի անվտանգության խնդրի շուրջ», ընդգծեց Կարեն Քոչարյանը: Քաղտեխնոլոգը մանրամասնեց, որ իրեն տարբեր երկրներում բնակվող ընկերները զանգահարել են և նշել, որ պատրաստ են վերադառնալ։ «Անգամ մարդիկ, որոնց թվում է, թե պորտալարը այստեղից կտրված է, հանուն հայրենիքի անվտանգության պատրաստ են հետ գալու, մենք ունենք հայամետ, հայաստանամետ հասարակություն, դուխ, միասնություն»:
Քաղտեխնոլոգի կարծիքով՝ միջազգային հանրությանը, ինչպես նաև Ադրբեջանին ապացուցեցինք, որ բյուջեն չի որոշում ամեն ինչ. «Միշտ ասում էին, որ Ադրբեջանի ՊՆ բյուջեն ամբողջ Հայաստանի բյուջեն է, բայց ապացուցեցինք, որ ամեն տեղ չի, որ փողն է, չնայած ամբողջ աշխարհին դա վաղուց ապացուցել էր նաև Իսրայելը, և ամենակարևորը՝ ինքներս մեզ ապացուցեցինք՝ կանգնած ենք մեր հողի համար»,- եզրափակեց Կարեն Քոչարյանը:
Առավել մանրամասն՝ տեսանյութում։