«Առաջին լրատվական»-ի «Ցավազրկող» հաղորդաշարի հերթական բացառիկը վիրահատարանից ներկայացնում է Հայաստանում հազվադեպ իրականացվող բարդագույն էնդարտերէկտոմիա՝ կոնտրկատերալ աջ քնզարկերակի օկլուզիայով:
Հիվանդն ունի աջ քնզարկերակի օկլուզիա՝ տրոմբոզ, ընդհուպ մինչև գլխուղեղի ընտրակլանյալ հատվածը: Աջ կողմում հիվանդը տարել է խոշոր ինսուլտ, որի արդյունքում աջ կիսագնդում առաջացել է 4-5 սմ-ի հասնող վնասվածք: Առավել հստակ կարելի է ասել, որ աջ քնզարկերակը պարզապես փակ է: Ձախ կողմում քնզարկերակը ծայրաստիճան նեղացած է՝ մոտ 60 տոկոս, առկա է նաև ծռվածություն:
Առկա խնդրի արդյունքում արյան հոսքի արագությունը վայրկյանում 250 սմ է, որը վիրահատության համար հանդիսանում է ուղիղ ցուցում: Վիրահատությունը կատարվում է՝ նվազեցնելու համար հիվանդի մոտ ձախակողմյան հնարավոր ինսուլտի հավանականությունը: Ինսուլտն այսպիսի դեպքում կարող է հանգեցնել անդառնալի հետևանքների:
Վիրահատությունը կատարում է «Էրեբունի» բժշկական կենտրոնի սրտի և պարանոցի անոթների վիրաբուժության ծառայության ղեկավար, սրտանոթային վիրաբույժ Մեսրոպ Շատախյանը: