Իլինոյս նահանգի բնակչին պատիժ է սպառնում այն բանի համար, որ նա սուպերմարկետներից մեկում կարի ասեղներ է տեղադրել փաթեթավորված մսի մեջ՝ հաղորդում է RT-ն:
Քրեական գործ է հարուցվել 68-ամյա Ռոնալդ Ավերսի դեմ, ով դատարանի առաջ է կանգնել համանման գործողությունների յոթ դեպքերով: Դրանցից յուրաքանչյուրի համար նրան սպառնում է 10 տարվա ազատազրկում և 250 հազար դոլարի տուգանք:
Ավերսն այժմ կալանավորված է և սպասում է երկուշաբթի կայանալիք լսումներին:
Հանցագործությունը բացահայտվել է N Save սուպերմարկետի զգոն այցելուի շնորհիվ, ով հաղորդել է, որ քիչ էր մնում կուլ տար այդ ասեղներից մեկը:
Ըստ սուպերմարկետի ներկայացուցիչների խոսքերի՝ դեպքերից ոչ մեկը լուրջ վնասների չի հանգեցրել, իսկ ասեղներ հայտնաբերվել են միայն մսի մեջ:
