Զինված հակամարտության հետևանքով Իրաքում հուլիսին մոտ 1200 խաղաղ բնակիչ է զոհվել: Վիրավորների թիվը հասել է 1511-ի: ՄԱԿ-ի այս տվյալները բերում է «Աս-Սումարիա» հեռուստաալիքը: Միաժամանակ, ՄԱԿ-ը չի ներառել Անբար նահանգում զոհերին և տուժածներին:
Ըստ հրապարակված տվյալների՝ 1 ամսվա ընթացքում «Իսլամական պետություն» խմբավորման զինյալների հետ բախումների հետևանքով զոհվել է անվտանգության ուժերի և քրդական ռազմականացված ջոկատների՝ պեմշերգիների 551 ներկայացուցիչ, վիրավորվել է 467 հոգի:
ՄԱԿ-ի մարդու իրավունքների հարցերով Գերագույն հանձնակատարի վարչության տվյալներով՝ հունիսին երկրում բախումների զոհ է դարձել առնվազն 2661 մարդ, որոնցից 1775-ը՝ խաղաղ բնակիչներ:
