Երգչուհի Ալիշա Քիսը Instagram-ի իր էջում ամուսնուն շնորհավորել է ամուսնության 4-ամյակի կապակցությամբ և ասել, որ սպասում է երկրորդ երեխային: Այս մասին հայտնում է gazeta.ru-ն:
«Շնորհավորում եմ հոբելյանի կապակցությամբ իմ կյանքի սիրուն՝ Swizz Beatzին: Այս տոնն ավելի ցանկալի է, որովհետև Աստված մեզ նոր հրեշտակով է օրհնել, որը շուտով լույս աշխարհ կգա: Դու ինձ ավելի ես երջանկացնում, քան ես կարող էի երազել: մենք առջևում կյանքի շատ լավագույն տարիներ ունենք»,- գրել է Քիսը լուսանակրի տակ, որում լավ երևում է հղիությունը:
33-ամյա Քիսն ամուսնացած է երաժշտական պրոդյուսեր Swizz Beatz-ի՝ Կասիմ Դաուդ Դինի հետ, նրանք որդի ունեն՝ Իջիփթ Դաուդ Դինը:
