Սթենֆորդի համալսարանի սկսնակ բժիշկներն իրենց վիրաբուժական գործիքների շարքը կհավելեն Google Glass-ով: Այս մասին հայտնում է Cnet-ը:
Ենթադրվում է, որ վիրահատության ժամանակ այն, ինչ տեսնում են ուսանողները, կհեռարձակվի վիրաբույժին, որը կկարողանա շտկել նրանց աշխատանքը և ուսուցանել: Հեռարձակումը կիրականացնի CrowdOptic ընկերությունը:
Սթենֆորդի համալսարանի նախագիծն իրականացվում է Glass at Work ընդհանուր ծրագրի շրջանակներում, որի նպատակն է գտնել կյանքի տարբեր ոլորտներում Google Glass-ի կիրառման ձևեր:
Օրինակ՝ խելացի ակնոցն օգտագործվում է սպորտում: Հատուկ հավելվածի օգնությամբ հնարավոր է թիմերի խաղերը դիտել հենց պրոֆեսիոնալ տեսախցիկներից, որոնք նկարահանվում են դաշտում:
Իսկ UCI School of Medicine-ը այս տարվա մայիսին ակնոցը ներդրել է իր ուսումնական ծրագրում:
