Պաշտոնական Թբիլիսին պատրաստ է Առևտրի համաշխարհային կազմակերպության շրջանակում քննարկել հարցեր՝ կապված Ռուսաստանի հետ առևտրային հարաբերությունների հետ: Ռուսաստանի և Վրաստանի միջև ազատ առևտրի մասին համաձայնագրի կասեցման մասին հաղորդագրությունը տարածվել էր չորեքշաբթի: Համապատասխան որոշումն ընդունվել էր ռուսական 3 գերատեսչությունների՝ ԱԳՆ-ի, արդարադատության նախարարության և տնտեսական զարգացման նախարարության կողմից: Այս մասին գրում է «Նեզավիսիմայա գազետան»:
Ռուսաստանի հետ հարաբերությունների հարցերով Վրաստանի վարչապետի հատուկ ներկայացուցիչ Զուրաբ Աբաշիձեն, մեկնաբանելով ռուսական կողմի որոշումը, հայտարարել է, որ կառավարությունը դեռևս պաշտոնական ծանուցում չի ստացել Մոսկվայից: «Ռուսաստանի որոշումը առևտրում որոշակի խնդիրներ կառաջացնի, սակայն ողբերգություն չէ: Մենք Ռուսաստանի հետ առևտրային հարաբերությունների հարցերը կփորձենք լուծել Առևտրի համաշխարհային կազմակերպության շրջանակում»,- ասել է Աբաշիձեն:
Կարծես թե Թբիլիսին պատրաստ էր նման շրջադարձի: Ի տարբերություն Մոլդովայի և Ուկրաինայի՝ Վրաստանը միանգամայն հանգիստ է արձագանքել:
