Լեհաստանի գյուղատնտեսության և գյուղերի զարգացման նախարար Մարեկ Սավիցկին պաշտոնական նամակ է հղել գյուղատնտեսական և գյուղացիական զարգացման հարցերով եվրահանձնակատար Դաչան Չոլոշին՝ խնդրելով փոխհատուցել կորուստները, որոնք կապված են Լեհաստանից Ռուսաստան մրգեր և բանջարեղեն ներմուծելու սահմանափակման հետ: Այս մասին գրում է Ria Novosti-ն՝ վկայակոչելով Լեհաստանի գյուղատնտեսության նախարարության մամլո ծառայությանը:
«Նախարար Սավիցկին դիմել է Եվրահանձնաժողովին՝ ֆինանսական օգնություն խնդրելով ռուսական շուկայի կորստի դիմաց»,- ասվում է հաղորդագրությունում: Նշվում է, որ խոսքը լեհական մրգերի և բանջարեղենների մասին է, այդ թվում նաև՝ խնձորների:
Սավիցկիի կարծիքով՝ չի կարելի թույլ տալ, որպեսզի «ԵՄ-ի և ԱՄՆ-ի՝ Ռուսաստանի հետ հարաբերություններիի գլխավոր զոհը դառնան լեհ այգեգործները և բանջարաբույծները»: