Ամերիկացի ռեփեր ու պրոդյուսեր Ջեյ Զին և երգչուհի Սոլանժ Նոուլզը այդպես էլ չպատմեցին լայն հասարակությանը, թե ինչ պատճառով են կռվել վերելակում։ Ասում են պատճառը եղել է այն, որ Սոլանժը քրոջ ամուսնուն կասկածել է նրա նախկին պրոտեժե Ռիհաննայի հետ սիրավեպի մեջ, գրում է lady.ru–ն։
Ինչպես պնդում է աղբյուրը, Սոլանժը բռնկվել է այն պատճառով, որ նրա փեսան իբր պատրաստվում է գիշերային ակումբում հանդիպել Ռիհաննային առանց կնոջ։
Ինչպես հայտնի է, այդ միջադեպից հետո աստղային ընտանիքը համատեղ հայտարարություն էր արել ու հավաստիացրել, որ կոնֆլիկտի մասնակիցները հաշտվել են։
Շշուկներ են շրջում, թե Բեյոնսեն և Ջեյ Զին մոտ են բաժանությանը, սակայն երգչուհին, ի տարբերություն զգայական քրոջ, կարողանում է իրեն հավաքել հանուն ընդհանուր գործի։
Ինչպես հայտնի է, ներկայում աստղային զույգը գտնվում է համատեղ հյուրախաղային շրջագայության մեջ, որից 100 միլիոն դոլարի եկամուտ են ակնկալում։
Հիշեցնենք, որ երկու տարի առաջ Ջեյ Զին ու նրա Roc Nation ընկերությունը Ռիհաննայի համար «տոնածառի տակ» Porsche ավտոմեքենա էին դրել։
