Գործակալության վերլուծաբանների կարծիքով՝ Ռուսաստանը չի կարող խոշոր նավթային նախագծեր մշակել առանց արևմտյան սարքավորումների մուտքի, գրում է korrespondent.net-ը։
Եվրամիության և ԱՄՆ պատժամիջոցները կարող են խանգարել Ռուսաստանում նավթի դժվարհասանելի պաշարների մշակմանը և ձախողել մի շարք հավակնոտ նախագծեր, մասնավորապես արկտիկական շելֆում։ Այդ մասին ասվում է Fitch միջազգային վարկանիշային գործակալության հաղորդագրությունում։
«Պատժամիջոցները, որոնք դժվարարցնում են ռուսական ընկերությունների մուտքը արդիական սարքավորումներին, կարող են խոչընդոտել դժվարահանելի պաշարների հաջող զարգացումը՝ նվազեցնելով արդյունահանման էֆեկտիվությունը գոյություն ունեցող հանքավայրերում»,- նշում են Fitch-ի վերլուծաբանները։
«Եթե ՌԴ-ի վրա դրված պատժամիջոցները չվերանայվեն երկարատև ժամանակաընթացքում, դրանք կարող են ձախողել այդ նախագծերի իրականացումն այն դեպքում, եթե Ռուսաստանը չի գտնի այլընտրանքային տեխնոլոգիական աղբյուրներ»,- ասվում է հաղորդագրությունում։
