Մեծ Բրիտանիայի բնակիչներն իրենց սիրելի ֆիլմը վերանայում են միջինում 29 անգամ, գրում է The Daily Mail-ը՝ հղում անելով Sky Store-ի նոր հետազոտությանը: Պարզվել է նաև, որ ամենահաճախ դիտվող ֆիլմը «Ինդիանա Ջոնս. Կորած տապանի որոնումներում» գործն է:
Երկրորդ տեղում «Աստղային պատերազմներն» է, երրորդում՝ «Հետ դեպի ապագան»: Այս ֆիլմերին հետևում են «Տանը մենակը», «Այլմոլորակայինը», «Ծնոտներ», «Յուրայի ժամանակաշրջանի այգին», «Անկախության օրը», «Տիտանիկը» և «Օտարականը»:
Հարցվածների 72%-ի խոսքով՝ իրենք հաճույք են ստանում սիրելի ֆիլմը նորից դիտելուց: 63%-ն ասել է, որ ամեն անգամ ֆիլմում մի նոր բան է նկատում: Հարցված բրիտանացիների 48%-ի խոսքով՝ վերանայումը բարձրացնում է տրամադրությունը: հետազոտության մասնակիցների 29%-ն ասել է, որ սիրելի ֆիլմերը նորից նայում է, երբ դրանք ցույց են տալիս իր սիրելիին:
