Հաճախ է պատահում, որ ինչ-որ մեկի աստղը Հոլիվուդյան օլիմպոսում արագ վառվում է, բայց շատ արագ էլ անհետանում: Սակայն Ռոբերտ Պատինսոնը կարողացել է մնալ ամենավերևում՝ պահպանելով հանդիսատեսի ու մամուլի հետաքրքրությունը իր նկատմամբ. վկան՝ Esquire UK-ի նոր համարն է, որի շապիկին հայտնվել է մեր հերոսը:
Հազարավոր մարդկանց կուռքը ոչ միայն մասնակցել է ոճային ֆոտոշարքին, այլև շփվել պարբերականի թղթակցի հետ:
Հարկ է նկատել, որ դերասանը աշխատում է որքան հնարավոր է՝ քիչ խոսել անձնական կյանքի մասին, բայց երբեմն նա անկեղծանում է: Նմանատիպ բան տեղի է ունեցել նաև այս անգամ, և նա մեկնաբանել Քրիստեն Ստյուարտից բաժանումը:
«Հիասթափություններ տեղի են ունենում, այնպես չէ՞: Մենք ուղղակի դեռ երիտասարդ ենք… դա նորմալ է: Եվ եթե անկեղծ լինենք՝ ում ի՞նչ գործն է: Դժվարություններ առաջանում են, երբ հետագայում ստիպված ես քննարկել դրանք: Երբ դուք խոսում եք այլ մարդկանց մասին, դա վիրավորական է, և դուք չեք կարող կանխատեսել, թե ինչպես կարող է այդ ամենը հետագայում շրջվել Ձեզ համար»,- ասել է նա:
