Սերբիայի Նովի Սադ քաղաքի պատմական կենտրոնում բացվել է Ռուսաստանի նախագահ Վլադիմիր Պուտինի անվան սրճարան: Այս մասին հայտնում է երկրի հանրային RTS հեռուստաալիքը:
Ցուցափեղկին «Պուտին» անվան կողքին տեղադրված է նախագահի դիմանկարը: RTS-ին տված հարցազրույցում հաստատության տեր Ռադիվոյ Միլյանիչն ասել է. «Նովի Սադում շատ մարդիկ կան, որոնք հարգում են նախագահ Պուտինին, շատ ռուսամետներ և մարդիկ, որոնք նրան շատ են սիրում: Եվ ես վիճելի ոչինչ չեմ տեսնում սրճարանի անվան մեջ»:
Հաստատությունը պաշտոնապես կսկսի գործել հաջորդ շաբաթ: