ԱՄՆ վարչակազմն արդարացված է համարում Ուկրաինայի արևելքում Կիևի կողմից հրետանու կիրառումը: Այս մասին գրում է ITAR-TASS-ը՝ հղում անելով պետդեպի մամլո ծառայության ղեկավարի տեղակալ Մարի Հարֆին:
Մեկնաբանելով Դոնեցկի շրջանում մարտական գործողությունները՝ նա նշել է, որ «այն զենքերը, որոնք հիշատակվում են հաղորդագրություններում, իրենցից ներկայացնում են ստանդարտ հրետանային տարրեր նախկին խորհրդային հանրապետությունների զինված ուժերում»:
«Մենք, իհարկե, չենք պատրաստվում ուկրաինացիներին ասել, որ նրանք չեն կարող օգտագործել ստանդարտ զենք ՝ հատկապես, երբ գտնվում են նման կրակի ներքո»,- ասել է ԱՄՆ արտաքին քաղաքական գերատեսչության պաշտոնական ներկայացուցիչը:
Հարֆն Ուկրաինայի արևելքում մասշտաբային ռազմական գործողությունները բացատրել է «երկրում համաքաղաքացիներին պաշտպանելու» Կիևի պատասխանատվությամբ, իսկ այս ամբողջ անկայունության պատճառը, ըստ Հարֆի, Ռուսաստանի գործողություններն են: