Սմարթֆոնների համաշխարհային մատակարարումները երկրորդ եռամսյակում տարեկան կտրվածքով ավելացել են 23.1 տոկոսով՝ հասնելով 295.3 մլն միավորի: Չնայած շուկայի աճին՝ դրա առաջատարները՝ Samsung-ն ու Apple-ը, կորցնում են իրենց դիրքերը չինական արտադրողների ճնշման ներքո, որոնք գրավում են գնորդներին բյուջետային մոդելներով: IDC վերլուծական ընկերությունը կարծում է, որ էժան սմարթֆոնների տարափի պատճառով սմարթֆոնների մատակարարումները կանցնեն 300 միլիոնի նշագիծն արդեն 3-րդ եռամսյակում:
Samsung-ի մասնաբաժինը հաշվետու ժամանակահատվածում, 2013-ի նույն ժամանակահատվածի համեմատ, նվազել է 7 տոկոսով: Այս մասին հայտնում է Vesti-ն:
Apple-ի մատակարարումների անկումը պարզաբանվում է սեզոնային գործոնով: Գնորդները սպասում են աշնանը թողարկվելիք iPhone-ի նոր մոդելին:
Իսկ ահա Huawei-ը մեկ տարում կրկնապատկել է մատակարարումները: Lenovo-ի մատակարարումները 2-րդ եռամսյակում Չինաստանի սահմաններից դուրս եռապատկվել են: Ինչպես սպասվում է՝ չինական ընկերության ներկայությունն արտասահմանյան շուկաներում էլ ավելի կմեծանա, երբ այն պաշտոնապես ավարտին հասցնի Motorola-ի գնման գործարքը: