Վրաստանի նախկին նախագահ Միխեիլ Սաակաշվիլին կարծում է, որ երկրի Գլխավոր դատախազության` իրեն քրեական պատասխանատվության ենթարկելու որոշումը և իրեն ներկայացված մեղադրանքները «իր քաղաքական ակտիվությունը և ամբողջ աշխարհում տեղաշարժվելը սահմանափակելու նպատակներ են հետապնդում»: Այս մասին գրում է ITAR-TASS-ը` վկայակոչելով Սաակաշվիլիին:
«Ինչ-որ մեկին, ըստ երևույթին, նյարդայնացնում է իմ ակտիվությունը` կապված Ուկրաինայի դրության հետ»,- ասել է նա: Սաակաշվիլին նշել է, որ ինքը, «չնայած Վրաստանի գլխավոր դատախազության որոշմանը, մտադիր չէ դադարեցնել քաղաքական ակտիվությունը»:
«Վերջերս ես եղել եմ Ալբանիայում, այսօր Հունգարիայում եմ գտնվում`վարչապետ Վիկտոր Օրբանի հրավերով, շուտով մտադիր եմ այցելել նաև մի շարք այլ երկրներ»,- հայտարարել է Սաակաշվիլին`հավելելով, որ «չի պատրաստվում որևիցե մի երկրից չի պատրաստվում քաղաքական ապաստան խնդրել, քանի որ դրա կարիքը չունի»: