Բրիտանական Massive Attack խումբը պաղեստինցի փախստականներին աջակցելու նպատակով Լիբանանում բարեգործական համերգ է տվել, հաղորդում է The Independent-ը: Հուլիսի 29-ին Բեյրութում տեղի ունեցած համերգը կազմակերպվել էր Hoping Foundation հումանիտար հիմնադրամի հետ մեկտեղ: Հավաքված միջոցները կտրամադրվեն Բուրժ էլ Բարաջնայում պաղեստինյան «Ալ Նակաբ» կենտրոնին, Լիբանանի հյուսիսում փախստականների ճամբարում գրադարան ստեղծելուն, ինչպես նաև Գազայի հատվածում շտապ օգնության ծառայության ֆինանսավորման համար:
Ելույթի նախօրեին երաժիշտները այցելել են «Ալ Նակաբ կենտրոն», որտեղ Սիրիայից ժամանածներին բժշկական օգնություն են ցուցաբերում, ինչպես նաև կազմակերպում են երիտասարդների սոցիալական կյանքը:
«Որպես Բրիտանիայի քաղաքացիներ մենք լավ ենք հասկանում այն դերը, որը մեր պետությունը խաղացել է այս տարածաշրջանում: Մեր խումբը միշտ աջակցել է Պաղեստինի ժողովրդին իր պայքարում և մեզ համար մեծ պատիվ է աշխատել պաղեստինցի կամավորների և Hoping Foundation-ի հետ միասին»,- հայտարարել է Massive Attack-ի անդամներից մեկը: