Բրաուն Դիր քաղաքում 44-ամյա Դենիս Լաքեթը դանակահարել է 18 և 16 տարեկան իր երկու որդիներին՝ դարակից 20 դոլարի անհետացման համար: Կինը դեռահասների խնամքի իրավունք չի ունեցել և չի ապրել նրանց հետ՝ ուղղակի եկել էր այցելության:
«Տղաներից մեկը իմացել է, որ 20 դոլարը անհետ կորել է: Նրանք սկսել են վիճել դրա շուրջ: Այդ ժամանակ մոտեցել է մայրն ու մասնակցել վեճին: Այն վերածել է ֆիզիկական ուժի գործադրման»,- The New York Daily-ն մեջ է բերել ոստիկանության ներկայացուցչի խոսքերը:
Լաքեթը կրտսեր որդու գլխին բաժակ է նետել և վերցրել է դանակը: Արդյունքում ավագ որդու ոտքի խոշոր արյունատար անոթն էր կտրվել, ինչը անհապաղ վիրահատական միջամտություն է պահանջել, իսկ կրտսերի գլխին 15 կար է դրվել:
Դենիս Լաքեթը իր որդիների խնամակալության իրավունք չի ունեցել և մինչ այդ ապրել է Արիզոնայում: Նա ժամանել է Վիսկոնս անցած ամիս, որպեսզի այցելի որդիներին և ապագայի որոշակի պլաններ է ունեցել: Լաքեթի որդիները ապրել են Բրաուն Դիրում ընտանիքի այլ անդամների հետ:
Fox6Now-ն հաղորդել է, որ 911 ծառայություն է զանգահարել տուժած դեռահասներից մեկը: Նա միանգամից ասել է, որ իրենց վիրավորել է սեփական մայրը և օգնություն է խնդրել:
Journal Sentinel-ի տվյալներով՝ Լաքեթը փախել է դեպքի վայրից, սակայն շուտով ձերբակալվել է ոստիկանության կողմից ու տարվել բանտ: Դեռահասները տեղափոխվել են հոսպիտալ, նրանց կյանքին ոչ մի վտանգ չի սպառնում:
Կնոջը մեղադրանք է առաջադրվել կենցաղային բռնության, վնասի պատճառման, երեխաների նկատմամբ ֆիզիկական բռնության գործադրման համար: Նրան սպառնում է մինչև 60 տարվա ազատազրկում: